القاهرة – “رأي اليوم”- محمود القيعي:
“أريد أن أسأل سؤالا بطبيعة شعبنا المصري والعربي بالأصالة اللي عندنا: لو حضرتك شفت واحد في الشارع بلطجي ماسك مطوة وشومة وطبنجة وبيضرب واحد غلبان؟
حضرتك واحنا واقفين كده بنعمل إيه؟ سواء في مصر أو العالم العربي كله؟
ad

على الاقل بنحوش.
طيب لما البلطجي ده معاه تسعة بلطجية بيضربوا في الولد المعوق؟
احنا بنمسك البلطجية بنضربهم..هو دا اللي تعلمناه.
عندنا بلطجي اسمه أمريكا ومعاه بلطجي اسمه إسرائيل ومعاه بلطجي اسمه فرنسا وبلطجي اسمه بريطانيا وبلطجي اسمه ألمانيا بيضربوا معوق..الشعب الفلسطيني الأعزل

اللي ممعهوش سلاح، بيدغدغوا..احنا بقى عملنا إيه؟
حشنا؟ لأ.ضربنا مكانهم؟ لأ. أصل مالناش دعوة.
انت في الشارع بتعمل كده؟ لما تلاقي بلطجي بيفتري أو معاه تسع بلطجية بيفتروا على واحد معوق..الشعب الفلسطيني معوق ليه مع احترامي ليه؟
هو معوق عشان ممعهوش سلاح..ممعهوش فلوس..ممعهوش نفوذ.



ممعهوش حد واقف معاه.
هنقعد نتفرج؟ ما تقوليش أمجاد ياعرب أمجاد!
وبقولك أهو: بايدينا دخلنا الأمة العربية في مزبلة التاريخ “.
بتلك الكلمات صب المستشار مرتضى منصور رئيس نادي الزمالك السابق جام غضبه على مصر والدول العربية بسبب موقفها المتخاذل مما يحدث في غزة، وذلك في فيديو بثه، وتداوله النشطاء على نطاق واسع.
وانتقد منصور الإعلاميين المصريين الذين يهاجمون المقاومة وتساءل : أين النخوة العربية؟

وأضاف مرتضى أن كل الدول حررت أرضها بالمقاومة ولا شيء سواها.
واختتم منصور داعيا الجماهير المصرية لمقاطعة الشركات الداعمة للكيان ومقاطعة الذين تعاقدوا كوكاكولا وبيبسي، مؤكدا أنهم بتلك الأموال يمولون إسرائيل.
وبشر منصور بانزياح الغمة عما قريب، مؤكدا أن الشعب الفلسطيني في غزة والضفة سطر تاريخ البطولة بوقوفهم ضد قوى عاتية وسينصره الله.
فيديو منصور تقبله المتابعون بقبول حسن، واصفين إياه بالأسد.